قصيدة حسن التبيناوي في مغزى سبع القبايل

هذه القصيدة في زمن محمد العبدالله الرشيد في غزوته على سبع القبايل في مسيرة واحدة ومنهم العجمان وخلافه مع ابن حثلين .

يامن لــك الــدنـيــا ويامن لك الدين

والحمد يامنشي ثقيل المخايل
عقاب الشراف مطالـعـن يـوم الاثنين

ليتي حـضـرتـه يوم شد الرحايل
من العالمات مجرب نادر العين

اجرد حبش يفني جميع القبايل
بكف عطيب مثل نجم الـفـراعين

يفني الياقيل ادهم الريش جايل
بالشبط جره مايـطـيــع الـمـشـيرين

جره مهدي بالوغاء كل عايل
وسندهن الوادي على اليسر واللين

وباردافهن قحص المهار الاصايل
وقاضاك ربك من دليل السلاطين

هو والغبيني والهقيشي نزايل
قربهم الـلــه بالـقــدر والـمـيادين

بأدني مغيراء حول هكالمسايل
هدام رايات العصات القديمين

على النقاء ذيب العياد السلايل
كـتــامة يـقـضــي بـهـا راعي الدين

صارت على قمعان عاف المشايل
واللي هفى به حق الاسلاف عشرين

غير الشراري والجنود الهمايل
واقفوا صخورك يوم جوهم مغيرين

عن وجه ربعي مثل ركض الجمايل
وانكف ورعيانه مع العزل تسعين

وقسم من الاموال ماقال قايل
عـجـاجــة تـبــري علـيـل الـمـجانين

شبعوا بها الاقراب واولاد وايل
الحضر وابن سـمـيــر هـو والشمالين

خلف عليهم غزوهم بالقوايل
ويوم استراح المصـطـفق حول يومين

بخزام وادنى كالنعام الجفايل
على سـبـيــع والسـهــول وحـمــادين

ولفايف من كل سبع القبايل
وقالوا له الـعـجـمــان بالحيل عاصين

واودع على نزل القياضي دبايل
ركت ودكت فوق راس ابن حثلين

وابن مـنـيـخـر طاح قفو الدبايل
يا ابــو فـــلاح اللي كـفــاكـــم وفى الديـن

وافي الوعـيـد محمـد والصمايـل
أيـــام ياراكـان هـــــدم الـجــنــــاحــــيـن

وم العـصـاة يوادعـون الحلايـل
صاطه وخاطه لين صارت على وين

وطلّق محابـيـسـك كـريـم الشمـايـل
الليث قــام بـديـنـكـم يـا ابـن حثليـن

مير الـفـخـر باللـي يـرد الجمايـل
مـحـمــد حـجــا بنايـة البيـت والـطـيـن

ياعل مانعتـاض فيـه البدايـل
مذهب هل الهمات مقدم هل الدين

من باب صنعاء للجزيره لحايل

قصيدة حسن التبيناوي في عدة غزوات متتالية

 عدة غزوات متتالية في عهد محمد العبدالله الرشيد

والقصيدة تعبر عن واقعها وأحوالها

الجيش صار إلداي غادن جرودي من كثر لوعات الليالي والأيام

أبداء كداه معذبن ماينودي بجرود سربال الفيافي للإبرام

ياما إنقطع في جرته من عرودي ومن مهرتن ماينصخي به بالأسوام

ومن فاطرن غب المساري تنودي ومن بكرتن تأخذ عن الجيش قدام

أبداء كداه من الحفاء واللهودي عمل بهن حرب النصارى والإسلام

مر(ن) على الطايف ومر(ن) سنودي ليابن صباح مسندات (ن) ليا الشام

ومحودرات (ن) للحجر والنفودي ومشرقات(ن) يم ديرة بني يام

ياما بقاء بس العصب والجلودي وصلت شرايدهن بالأنفاس وعظام

عاقبهن الله قيضهن والبرودي من العام حازمهن عن النوم بحزام

مالله كتب له عيشتن بالرقودي ماغير فوق ضهور عجلات الأولام

ياما ولا الدنيا تعدى الحدودي من فلح مصر(ن) للشرايع للإحرام

غصب خذه بمصقلات الهنودي وعج (ن) ودخان الثميدي بالأروام

بجرد ومرد عيال مثل الفهودي عيال (ن) يحاضون المنايا والأنعام

بيوم (ن) عبوس (ن) للمنايا وقودي يوم (ن) يشيب الراس ماجاء بالأيام

يوم (ن) يخلط سعودها للقرودي يشبع به النسر المبلم لياحام

وتشبع زماميله وراع القعودي بقحص (ن) تشع أذيالها يوم الأزحام

بجرة صليب الشور واف الجدودي اللي عنه عوج المراكيض خرام

عقاب (ن) شهر عطب اليمين الصيودي ضم الجناح وطالع الزول ماحام

من أجاء لعرنان الهضب للمرودي لقيعان رم مضربه درب الأشوام

شر(ن) على خطو الجليل العنودي ماناش كفه عطب الأشمال ماقام

يودع عريضات الفنادي جعودي بكف (ن) يسقا من قواطيع الأسمام

كف (ن) بسطرة مسلط(ن) له شهودي براس الثنيه قاعــــــــــد(ن) كنه المام

رما عـــباته والعـــــــلق والفـــــــــــــــــرودي يزحف زحيف (ن) مثل مكسور الأقدام

خلا عهود الله وجاب الجهودي عسى ملافي شورتك قطع الأنجام

خلوك عن هكالمراتع طرودي طاوعت حكي الدنقري وإبن تمام

علوم (ن) كما عوس البهم بالنفودي غديت منهن مثل مبرّي الأقلام

لهاكالمراتع مالك الله تعودي ألا تطاوع ماحكينا لك العام

بلشو دكاترتك وسيف الكرودي ردّه تره طلع الحريشاء والأسمام

ويابو بدر ماتستخيل الرعودي بين العلاء والمقوري قطعت أيام

تلقابه الزملوق غادن رجودي نبت(ن) خريمن مايقمّن بالأوهام

تربع به الجوبه والإخرى ترودي تاصل بنا بأقصى نشيفة والأثلام

في رآي من لاجاء ضلام اللحودي عصرين نقنص بأدهم الريش زقام

بجاه الرسول وجاه باق الجنودي من الواحد اللي للخفيات علام

ينجي مدير صدورهن والوردي من كل باب (ن) من عيّانه والأحكام

يسهر وحنا يالجماعه رقودي متلقي(ن) شر البوادي والأروام

اللي ورى الهمات يمخض ويودي بنمراء كما رجل الدباء يوم ينصام

عشرين يسقن الغثاء واللهودي من شمر(ن) ماجمعوهن بالأقلام

بتدبير من حط البخت والسعودي بنسل الثنين اللي تباروا بالإقدام

محمد عسى يوم اللقاء به يعودي ليل (ن) على كل المخاليق طمام

وحمود كان الحرب شد العضودي لعينيك ياريف الفقارى والأيتام

ماهو من اللي ينقضون الجدودي موارث العود المجرب لياقام

حبس الكمين إن غاب خطو الشرودي ياجنبوا عوج المراكيض اللإلزام

نسل الجدود المقدمين العدودي لاجاه عاثور الليالي والأيام

حواس التبيناوي معركة البردية على شيخ المنتفق بالعراق

هذه هي قصة وقصيدة في سعدون الأشقر شيخ المنتفق ,,حيَر طعام العراق على شمر , ونقلت المعلومة بأنه يمنع شمر عن طعام العراق وكان هذا على وقت الأمير / عبدالعزيز المتعب الرشيد .. ولم يكن من التبانا بالقرب منهم سوى حواس نهار التبيناوي وكان صغيرا عندما أنشد هذه القصيدة  التي يقول فيها :

سعدون جاك الضاري اللي حكابك

مــوفي الوعيد أليا هـــرج قايلٍ شين
من يــــوم سرنــا طاحنينٍ زهابــك

واويــــل ياسعدون من نطلبه ديـــــن
يـــا أشقر جـــاك أشقر مــا يهابـك

لاتنهضم هــــــذا صعـــــوط المجانين
يــا تـــايــه الأشـــوار هذا عقابـــك

مــــدم المخالب مـودع الخرب قبعين
زيــن المناكب طير شلوى عذابـك

من مـــاكر فعله بالأضداد مـــــــرضين
يــاعــــاد منبــوز الردايــف هقابـك

لامـــنكم اللي تردفــــون المزايين
يامحد وش لك بالمياهيــف كابــك

قبل تـــــراقون الضياغـــم سلاطيـــن
بنا تمــحرش يــــوم قــرب خرابـــك

يامــا طنينا وأول الحين مـــــن حيـن
بـاداك حلوه سطــةٍ يــوم اصابــــك

سقم العداء خلى جنودك سياديـــن

حر ليــا ضــم الجناحين جابــــك

على دمـــــاغك ماقــــــــعك بالصعانين
وعلى الخميسيــه نوسم ركابــك

فــــــوق الشبيبه نــــــحط المحاجين
قضــاء للمســة خبزنــا سد بابــك

ولا فعـــــــل الا فعــل عـــدل الميازين
نــــاتي بـزبزوم الطنايــــآ رعابــك

ياجــاك (أبومتعب) تخلي السواديـن
ضـفى خيالــه يـوم ضيح سـحابك

وسميــــة منها تـــــلم الشعــــابين
نــوا على البوقان حلــــوا اصابـك

يـــرمي اليقيـــــن وتوها نامت العين
ودهـــــم نـــطير بشرثهــن ترابــك

وقبـــــايلك ماخــــــززوهــــن بعاريـــن
وحــوشات جبناهن وصار الهبابك

ونــركي على كبد الحريب المصاخين
وغــاد دليل اللي يدور الذرى بك

عــــن شيخنـــــا ياما فرق من محبين
مار انت خبــل يشلع الله شبابك

قــــبلك لعيَــــان المخاليـــق مطنيــن
دونــك حصـــاةً بـــس عضه بنابك

اللي تــــقول محيــــرٍ حــب شاهين
وافطن لربعك عشهم من زهابـك

كـــــان انت قبل نمصلخك ذاخر شين
وليا دعيت ابن الضويحي واجابــك

هــــــــوه وابـــن حـــــلاف ومنهم لزيزيـــن
واللي تبقـــــــى قطَعه بي جرابــــك

استكتلوا ماناشـوا السيل مـن حين

ندخل على الله ما دفنا حسابك

بالعون ضاري مار حنا ضريرين
والا بنـــو الخيـــــر ماينحكابــــــك

انتــــم مربيــة اليتامــــى القديميـــن

ابن حلاف وابن ضويحي : من الظفير

الشبيبية : وسم السعدون

المحجان : وسم فخذ التبانا